"Dinamik Gənclik Həftəsi III" layihəsi baş tutub!

“ASAN Könüllüləri” Təşkilatının təşkilatçılığı ilə 2 fevral - Azərbaycan Gəncləri Gününə həsr olunmuş “Dinamik Gənclik Həftəsi” III layihəsi həyata keçirilib.

27 yanvar - 2 fevral tarixlərində həyata keçirilən layihənin əsas məqsədi Azərbaycan gənclərinin maarifləndirilməsi, inklüziv cəmiyyət dəyərlərinə əsaslanması, gənclər arasında yeni dostluq əlaqələrinin qurulması, onlar arasında şəbəkələşmənin təmin olunması, gənclər arasında komanda ruhu və quruculuğu, ideya formalaşdırma bacarıqlarının inkişaf etdirilməsi, gənclərin asudə vaxtlarının səmərəli keçirilməsi, nümunəvi vərdişlərin qazanılması və dünya görüşlərinin artırılmasıdır.